| 睡寶寶既定義係：好易訓著同埋訓得好好。
乎合以上兩個條件，為之睡寶寶也~
我話過從來都係睡寶寶，
只要俾張床我就可以即刻訓著俾你睇，
但前排唔知幾時開始我竟然連入睡都有困難，
典黎典去都有排先訓到.....
好喇好喇我終於都訓得到喇呢幾日，不過就.....
唉~
自出娘胎就係豬精睡公主，
只要訓著左就幾嘈都可以唔醒，絕對可以一睡不起，
(以前既 roommates 應該好了解吧...=____=)
地震火山爆如果要死人，第一個一定係死我呢 d 。
不過，我又變了，變得愈黎愈神經質，
神經到會好驚唔識返工而成晚係咁醒.....
家下晚晚都窄醒，仲要唔止一次，
個睡眠質數真係勁差囉唔該!!!!
11:xxpm 訓覺，可以 1:xxam 醒一次，到 3:xxam 又醒一次，
到 5:xx 再醒多一次，每次醒都以為夠鐘要起身返工，
但每次醒先發現原來根本未夠鐘，仲要有排先會鬧鐘響.....
大佬呀我 7:30am 先要起身架，一晚醒幾次做乜，
次次醒個陣都係諗緊返工，次次都係諗緊公司野，
次次都係盤算緊如何能夠用最短時間完成手頭上那排山倒海既工作.....
想點呀???!!!!?
難得終於等到星期六放假可以休息，
以為可以好好地訓一覺，點知又係成晚訓下醒下。
平時要訓 10 - 12 個鐘先會精神，
但今日訓左唔夠 8 個鐘又已經自動波醒，
好惡頂呀.....唉~
「妳係咪返工太辛苦呀？」唔見得丫呀。
「咁你妳係咪返工好辛苦呀？」又唔算喎。
「其實妳係咪真係好大壓力遮？」我唔知.....@@
壓力嗎??? 我真係唔知，
但精神緊張神經過敏嗎??? 我倒唔會否認，
因為我終於連自己都覺得我呢排真係有點神經質了.....
天啊......./____\ |
| |
